ADVERTISEMENT
Advertisements
ADVERTISEMENT
Advertisements
Advertisements

انت اخرك تتنسي

الأحد 07/يوليه/2019 - 02:51 م
انت اخرك تتنسي
Advertisements
 
Advertisements

صباح الخير استاذة نيفين ارجر نشر رسالتي باقرب وقت وارجو النصيحة ان وجدت مع النوع الغريب دة من الرجالة .. انا زوجة لراجل محدش ضربوا علي ايدوا علشان يتجوزني .. وانا من البداية رعيت ربنا فيه لاني محتاجة اعيش كويس وفي هدوء خصوصا ان حياتي الاسرية ما كانتش سليمة قوي ولذلك انا كنت مقبلة علي زواج ضروري يتوفر فيه راحة البال والامان والاستقرار .. وعلشان نفس الاسباب كنت ببالغ حتي في اسعاد جوزي علشان لما اشوف رد فعله ده يسعدني ونعيش في سلام .. الحمد لله الفترة الاولي من الزواج اللي هية حوالي سنه مشيت زي الفل لكن بعد السنه دي ابتديت الاحظ تغير في سلوكياته العامة معايا وفي سلوكياته حتي في علاقتنا الخاصة ودة معناه انه دخل في علاقة تانية ان مكنش علاقات كتير .. لان الراجل اللي سلوكه يتغير في العلاقة الخاصة فجآة كدة ويبقي فيها تفاصيل عمره ماكان بيعملها ده اكيد بيعاشر ست تانية .. المهم .. ابتديت المح له انه متغير معايا وسلوكة مش زي الاول وانه وانه .. طبعا انكار دايما علي طول الخط .. كلمته بالهداوة في الاول بعدين بالتحايل بعدين بالمواجهة في بعض السلوكيات وبعدين بالخناق وبعدين بشكوته لواده قلت راجل زية يعرف يتصرف معاه وفعلا والده مسكه مسح بيه الارض لانه يفهم معناه ايه التغير دة وانا كمان كلمت والده بصراحة وقلتله مش هبلغ اهلي دلوقتي يمكن كلامك معاه يجيب نتيجة ده غي اني اصلا مش قادرة اتغاضي عن الجرح المعنوي اللي البيه جوزي سببهولي .. بس قلت خليكي يابنت بنت ناس واعملي الاصول .. لكن للاسف وعد ابوه بان كل شيء هيتصلح لكن طبعا مفيش حاجة اتغيرت وانا دلوقتي حاسة اني بحفر في مية وان الكلام مفيش منه نتيجه وان فعلا الزوج دة غير صالح ولا امين ولا وش نعمة اصلا وان اخره يتنسي وابدا انا اطلب الطلاق خصوصا ان مفيش لسة اولاد ولايمكن يكون دة ابو اولادي واخلص منه واعيش بعدها فترة اتعالج نفسيا من الاثار السلبية اللي سابها جوايا وبعدها اعيش حياتي ملكة زماني وطظ في راجل بالمنظر دة اعيش نعاه في مآسي متكررة لا نهاية لها ويبقي مصيري زي مصير ناس كتير بسمع عنهم و اشوفهم .. وفعلا النوع دة من الرجالة ملوش يتجوز اصلا طالما لسة ليه في الصرمحة والغراميات .. بصراحة بالرغم منكرهي لعيشتي معاه لكن برضه قرار الطلاق مش سهل علي الانسان هوة في الاخر خراب .. لكن هوة اضطرني افكر كدة لانه برضه مصر علي ردوده التقليدية اني انا اللي موهومة وانا اللي اتغيرت وبيعمل اسقاط عليه في كل التصرفات وده مش اسلوب واحد عايز يتفاهم او يحل .. انا دلوقتي اعمل ايه ؟
م .آ

فضفضة
محررة الصفحة .. نيفين حجازي

صديقتي .. حاولي قبل اتخاذ اي قرار التآكد بشكل منطقي بعيدا عن الشكوك حتي وان كانت تؤكد لك الكثير .. لان خراب البيوت ليس بالامر السهل كما ذكرتي .. وتكلمي مع والده مرة اخري لكن احرصي علي فكرة ان الكلام معه هذه المرة سيكون في حضورك ويقوم والده باجباره علي التحدث بصراحة وان تبادري مجازا ان كان هو علي علاقة باخري ستتفهمين الموقف الي حين ان تسمعي الحقيقة بنفسك .. اقصد اعطي له مساحة من الامان كي يبادر ان شاء الله بقول الحقيقة ربما تكون طريقة بشكل مبدىء للاعتراف .. اتمني ذلك مع انه صعب .. قومي بهذه التجربة لعل اسلوب اعطاؤه الامان يدفعه لتحسين سلوكه او علي الاقل مراجعة نفسه .. وكل ما تتحدثين عنه مجرد شكوك .. انا معك انها ربما تكون دليل ادانه لكنه ليس قاطعا ليكون سبب طلاق وربما يكون هو يستخدم اسلوبا مختلفا لاسعاد نفسه معك .. وربما هناك مفارقة ما تسببت في سوء الفهم هذا .. كل هذه الاحتمالات لا يجب ان نغمض اعيننا عنها حياتك معه والقرار فيها من الامور المصيرية التي يجب العناية جيدا في التحقق من صحتها .. ارجو منك التحمل قليلا الي حين اثبات اي شىء ولك حينها حرية الاختيار .. ولعل الله يظهر الحق ويريح بالك ويصلح حالك ان شاء الله تعالي

Advertisements
تعليقات Facebook تعليقات بوابة الفجر
ads
Advertisements
مصطبة
Advertisements
هل شاركت فى مبادرة 100 مليون صحة؟
مباريات ودية
برشلونة
0
x
12:30
1
تشيلسي